Eguraldiak, Etxalarren urtero ospatzen den feria hau arrakastatsua izaten lagundu zuen.
Pasa den igandean, ekainak 5, XIX. aldiz ospatu zen Etxalarren, iada tradizionala bihurtu den feria hau. Eguraldi iragarpenek euria aurreikusten zuten arren, azkenean jendeak egun eguzkitsu eta epel batez gozatu ahal izan zuen. Aurten gainera, lehiaketan parte hartu zuten gasna kopurua igo egin zen, hauek 17 izan zirelarik eta epaimahaikideek, aurten, gasnen kalitate maila hagitz altua izan zela azpimarratu zuten. Artisau feriak, eskulan eta argazki erakusketek, taloen salmentak eta herriko trikitixa eta dantza taldeen saioek ere arrakasta handia izan zuten, izan ere, jende pila bat hurbildu baitzen.
|
|
