|
|
|
Non jan
Baztan-Bidasoan, atlantiar klimari dagozkion prezipitazio ugariek, belardi zabalek eta bertako nekazaritza antolakuntzak, kalitate hoberenetariko produktuak bermatzen dituzte. Honela, zonaldeko gastronomia, behi, ardi eta zerri haragiari (txuletoia, urdaiazpikoa, txistorra, xolomoa, xingarra...) lotuta dago eta baita baratzeko produktuei ere, porruak, ilarrak, lekak, letxugak, tomateak, piperrak eta patatak adibidez.
Esnekiak ere hagitz errotuta daude: ardi latxaren gasna nabarmentzen da. Gaztanbera eta arrozesnea bezalako bertze esnekiak ere, bertako postreetan aurkitu daitezke.
Hala ere, platerik esanguratsuenak, "xuri beltxa" (bildotsaren barrenkiekin egindako gisatua) eta "Baztan zopa" (Tenedorearekin jaten den ardi zuntzarekin eta ogiarekin egindako zopa), izokia, amuarraina eta ahatekiak dira. Udazken garaian, onddoak, gaztainak eta ehiza platerak, bertako gastronomia aberasten dute, uso edo basurde platerak adibidez.
Platera goxo hauek dastatzeko, jatetxe aukera zabala dago zonalde guztian eta denetan bertako gastronomiaren kalitatea eta aniztasunaz gozatu daiteke.
Behe denboraldian, bazkari nahiz afaietarako irekita dauden jatetxeen bilaketa errezteko, 2012. urtean, Bertiz Partzuergo Turistikoak TXANDAKAKO EGUTEGI bat martxan jarri du, jatetxe batzuen ordutegiekin, goi denboraldia ez diren bertze denboraldietan ere guttieneko zerbitzu bat bermatu ahal izateko. 2012 Apiriletik ekaina erdialdera bitarteko egutegia deskargatu dezakezu hemen klik eginez.
Atal honetako goiburuko argazkiak uzteagatik, gure eskerrak hurrengo jatetxeei:
-Oitz-eko posada: www.posadaoitz.com
-Burlada jatetxea: www.restauranteburlada.com
|
|
|
